لقاءات وحوارات مع ضيوفنا في ( يوميات صائم )

[كريم القوصي]

السلام عليكم ورحمة الله وبركاته

هل الهلال ، والنور اهو بان ، بقدومك يا شهر رمضان

أصحي يا نايم ، وأفرح يا صايم ، راح نلتقي بعد الفطار

أحلي لقاء – يشمل حوار

بس نجاوب علي السؤال

من كريم وللحبايب

في ملتقي اهل العلم

يسمعه الحاضر والغايب

وبالاسلام هنلم الشمل

مع اللقاءات والحصريات هنا دايما ويانا في ملتقي اهل العلم

اليوم أيضا مش عادي لان عادي انسان مش عادي جاء من قلب الوطن العربي ومن شقه الاسيوي اتي الينا مفعما بالامل والتحدي والعمل يعطنا كل ما هو جديد ويأتي دائما بالمزيد والمزيد ويلخص لنا المفيد وهذا هو الفريد ، هلال أتي من الشرق بريق لمعان ليس له مثيل محب وهو محب لمشايخ العرب ، تعالوا نرحب باخونا محب الشيخ علي جابر ونقول له كل عام وانتم بخير ورمضان كريم عليك .

محب : كل عام وانتم بخير والامة الاسلامية وأعاد عليكم الايام بكل خير وسلام ورمضان كريم .

كريم : في بداية حوارنا نرغب بمعرفتك عن قرب من خلال بياناتك الشخصية .

محب : اسمي محمد الفارسي ، 20 سنة ، سلطنة عمان - صور .

كريم : نبدأ بسوالنا المعتاد ما شعورك بقدوم رمضان ؟؟

محب : كحال أي طالب للجنة والأجر الوفير الذي يمنحنا إياه خالق السموات والأرض .

كريم : ماذا أعددت لرمضان ؟؟

محب : كل ما فيه خير فهو من الأولويات لدي .

كريم : أيه الفرق بين رمضان زمان ورمضان الآن ؟؟

محب : لا فرق بين شهر الخير والمغفرة والأجر واحد في هذه السنة والسنة التي سبقت ولكن يختلف مقدار الأجر الذي تحصل عليه هذه السنة من السنة الماضية .

كريم : هل حدث معاك موقف طريف خلال شهر رمضان ؟؟

محب : هناك الكثير أخي ولكن لا يحضرني الآن إلا أني في أحدى السنوات شربت لي كباية ماء ناسيا هههههههه .

كريم : أشهي المأكولات والحلويات التي تفضلها في رمضان ؟؟

محب : والله هناك كثير من الأكلات والحلويات ولكن أهمها الكراميل ههههههه .

كريم : كلمنا عن يومياتك في رمضان ؟؟

محب : بعد صلاة الفجر أقرأ جزء من القرآن الكريم ثم أعود للمنزل وآخذ قسطا من الراحة وأقوم بأمور الحياة والمتطلبات اليومية إلى آذان الظهر وبعد الصلاة أقرأ جزء آخر وبعد ذلك آتى لهذا الصرح المبارك إلى أذان العصر وبعد الصلاة أقرأ أيضا جزءا آخر من القرآن وبعد إنتهائي أذهب للسوق للتسوق وشراء شئ من الحلويات والخفائف ومشاهدة العادات الرمضانية في السوق حتى يؤذن للمغرب وبعد الإفطار والصلاة أعود للمنزل وأستعد وأتطيب بأحسن الطيب لأداء صلاة العشاء والتراويح وبعد الصلاة أقابل بعض الأصدقاء وأجلس عندهم ونتبادل الحديث حتى الساعة 12 عندنا وبعد ذلك أنام حتى وقت السحور وصلاة الفجر .

كريم : من الداعية الاسلامي المفضل لديك ؟؟

محب : نبيل العوضي وخالد الراشد .

كريم : ما هي امنياتك للاخوة والاخوات في رمضان ؟؟

محب : الإكثار من الطاعات والإستغفار فهذا شهر الغفران "...رغم أنف من أرك رمضان ولم يغفر له..".

كريم : من الصديق الذي تتمني ان يصطحبك علي مائدة في رمضان ؟؟

محب : لا يوجد شخص محدد فكما قلت لك هذا شهر الخيرات وأني أطمح لنيل أجر إفطار الصائم .

كريم : ماذا تريد من رمضان ؟؟

محب : المغفرة والقبول .

كريم : هل اديت العمرة من قبل في رمضان ؟؟ صف لنا هذه اللحظة ؟؟

محب : لا والله ولكن أسأل الله التيسير.

كريم : وفي نهاية حوارنا الجميل ماذا تتمني للاسلام ؟؟

محب : العزة والعلو، حياكم الله أخي كريم وجزاك الله خيرا وأشكرك علي الاستضافة وعلي هذا الموضوع الجميل وكل عام وانتم بخير ورمضان كريم علي كل الملتقي .

كريم : جزاك الله خيرا اخي الكريم محمد الفارسي علي تلبيتك لدعوتنا للحوار وكان حوار من القلب وهذا ليس بغريب عليك اخي الفاضل واستمتعنا معاك بالحوار الشيق والرائع والجميل ونتمني ان نراك علي خير وكل عام وانتم بخير ورمضان كريم عليك وعلي كل اسرتك .

وفي النهاية خليكو فاكرين ، كلنا أخوة وحبايب ، والحاضر يعلم الغايب ، كل يوم في نفس المعياد ، معانا في اليوميات ، ضيف بعد الفطار ، نفتح معاه حوار ، ونقوله اتفضل معانا ، وحوارنا هيكون من القلب ، جميل ومليان حب ، وادعولنا وقولوا يا رب ، يعيد علينا الايام، بكل خير وسلامة .

كل عام وانتم بخير والي لقاء مع ضيف جديد في يوم جديد في رمضان ويوميات جديدة مع

( يـــــــــــومـــــيــــــــــــــات صـــــــــــــــــــــائــــــــــــــم )

[أم نيره]

حياك الله بيننا اخى محب وجزاك الله خيراخى كريم

[محب الشيخ علي جابر]

الله يعطيكم العافية إخواني وأخواتي وجزاك الله خيرا أخي كريم على الموضوع الرائع

إم نيرة تسلمي أختي الفاضلة على التعليق

[ابراهيم عبدالله]

	المشاركة الأصلية كتبت بواسطة كريم القوصي

	السلام عليكم ورحمة الله وبركاته هل الهلال ، والنور اهو بان ، بقدومك يا شهر رمضان أصحي يا نايم ، وأفرح يا صايم ، راح نلتقي بعد الفطار أحلي لقاء – يشمل حوار بس نجاوب علي السؤال من كريم وللحبايب في ملتقي اهل العلم يسمعه الحاضر والغايب وبالاسلام هنلم الشمل مع اللقاءات والحصريات هنا دايما ويانا في ملتقي اهل العلم يومنا يوم مش عادي لاننا مع ضيف مش عادي كتابتها ملهاش حل وقلمها مبدع زي الفل ، اختنا وغالية علينا ومنورة الكل ، لبت كمان دعوتنا وحضرت معانا قعدتنا ، ارائها ملهاش حل افكار عظيمة بتوصلها للكل ، صغير او كبير غفير او وزير كلهم بيرفعوا التحية لمشرفة مية مية ، هنقعد نسمع حوار من القلب للقلب طار في ليل او نهار بس نخليها علي الفطار ، واسمك الله عليه زي امنا فاطمة ، ونرحب بيكي كلنا يا استاذة فاطمة وكل سنة وانتي طيبة ورمضان كريم . فاطمة : بشكرك اخي كريم علي دعوتك ده في الموضوع الرائع دا وكل سنة وانتم طيبين ورمضان كل خير وسلامة علي كل الدنيا . كريم : نرحب بيكي ونشكرك من كل قلوبنا لحضورك معانا اليوم ويا ريت تعرفينا بنفسك اكتر . فاطمة : الاسم فاطمة ، 24 سنة ، مصرية طبعا ، من الزقازيق الشرقية ، لا اعمل ، خريجة حقوق . كريم : اهلا وسهلا بافوكاتو الملتقي كده يبقي عندنا هيئة دفاع كاملة ههههههههههه ، طيب نبدا حوارنا بأول سؤال ونقول ما شعورك بقدوم رمضان علينا ؟؟ فاطمة : أكيد شعور جميل بالفرح والسعادة لأنك داخل على شهر كله خير وبركة و******** نادرا ً ما تحدث إلا فى هذا الشهر الفضيل . نسأل الله أن يتقبل صيامنا وقيامنا وصالح أعمالنا . كريم : ماذا أعددتي لرمضان السنة دي ؟؟ فاطمة : إن شاء الله نزود من طاقتنا والحرص على الإستفادة أكثر من رمضان هذا العام عن الأعوام السابقة . كريم : أيه الفرق بين رمضان زمان ورمضان دلوقتي من وجهة نظرك ؟؟ فاطمة : رمضان زمان كنت لسه صغيرة يعنى فوانيس ولعب وفرحة وأصحاب راحوا وجيران اتغيروا ودنيا اختلفت كتيييييييييييييييييييييييييييييييير عن دلوقتى وأنا صغيرة كنت شايفة أنه ده أحلى وأجمل بس أكيد لما كبرت وفهمت ايه معنى رمضان بجد طاعة وعبادة وتقرب من ربنا وخشوع ورحمة وعتق ومغفرة وفرصة حقيقية للتغير الجذرى للإنسان .أكيد مفيش أجمل ولا أحلى من كده رمضان وكل ما ربنا بيمد فى عمري يو أو سنة زيادة هيكون فى كل سنة رمضان أحلى وأروع من اللى أبله. كريم : في مواقف طريفة حصلت معاكي في رمضان قبل كده ؟؟ فاطمة : بصراحة مش متذكرة أى حاجة دلوقتى ...... بس أكيد أيام الدراسة والأصحاب مريت بمواقف كتير طريفة فى رمضان لأنها علطول كانت كلها ضحك ولعب وفرحة . كريم : أيه أشهي المأكولات والحلويات اللي بتحبيها في رمضان ؟؟ فاطمة : يعنى مش ليا فى الحلويات أوى بس بحب الكنافة والقطايف بس الأخيرة أكتر . كريم : كلمينا عن يومياتك في رمضان ؟؟ فاطمة : بصحى من النوم على أذان الظهر أصلي وأقرا قرآن وأشوف إذا ماما محتاجة حاجة بساعدها وأرجع أصلي العصر وأقرا قرآن للمغرب .......... يعنى أغلب اليوم صلاة وقراءة قرآن وحاليا ً الملتقى . كريم : من الداعية الاسلامي المفضل لديك ؟؟ فاطمة : بحب الشعراوى رحمه الله عليه، وعمرو خالد ، معز مسعود ، يعقوب . كريم : ما هي امنياتك للاخوة والاخوات في رمضان ؟؟ فاطمة : لكل المسلمين الخيرو الرحمة والمغفرة وأهم شئ العتق من النيران . كريم : مين الصديقة اللي تتمني تصطحبك علي مائدة في رمضان ؟؟ فاطمة : أكيد كانت هتكون حبيبتي سامية ربنا يرحمها ويغفر لها ويسكنها فردوسه الأعلى وفي صديقة كمان قريبة من قلبى جدا وغالية عليا اوى . كريم : ربنا يرحهما وبغفر لها وكل اموات المسلمين كانت اخت عزيزة علينا كلنا ، ماذا تريدي من رمضان السنة دي ؟؟ فاطمة : الرضا من الرحمن والعتق من النيران . كريم : هل أديتي عمرة من قبل في رمضان ؟؟ صف لنا هذه اللحظة ؟؟ فاطمة : للأسف لم يحدث بعد ،،،،، لكن أكيد بتمناها لكل مسلم ومسلمة نسأل أن يكتب لناولكم ولجميع المسلمين حجة أو عمرة فى مثل هذا الشهر الفضيل. كريم : وفي نهاية الحوار الجميل ده نقولك ماذا تتمني للاسلام والمسلمين ؟؟ فاطمة : أن ربنا يعز الإسلام والمسلمين فى كل مكان ويعجل بنصره وفرجه . بشكرك أخى كريم على دعوتك وإستضافتك الجميلة دى فى موضوعك الراائع دا وبهنيئك أخى كريم على أسئلتك وإختياراتك وإنك مذيع ومحاور شاطر ومتمكن ويارب ما أكون ضيفة تقيلة عليكم وأكون أدرت أجاوب بكل وضوح على أسئلتكم ربنا يبارك فيك أخى كريم وشكرا ً ليك مرة أخرى وكل عام وأنتم بألف خير وصحة وسلام . كريم : انا اللي بشكرك جدا علي الحوار الجميل ده حوار من القلب للقلب ومليان حب ومودة وبشكرك علي المجاملة الرقيقة ده احنا بنتفوق لحبنا وخوفنا علي بعض ولاننا كلنا اسرة واحدة في الملتقي وبصراحة انا استمتعت بالحوار معاكي جدا اختي فاطمة وكنت اتمني انه ميتنهيش والحمد لله حوار رائع وكل سنة وانتي طيبة ورمضان كريم . وفي النهاية خليكو فاكرين ، كلنا أخوة وحبايب ، والحاضر يعلم الغايب ، كل يوم في نفس المعياد ، معانا في اليوميات ، ضيف بعد الفطار ، نفتح معاه حوار ، ونقوله اتفضل معانا ، وحوارنا هيكون من القلب ، جميل ومليان حب ، وادعولنا وقولوا يا رب ، يعيد علينا الايام، بكل خير وسلامة . كل عام وانتم بخير والي لقاء مع ضيف جديد في يوم جديد في رمضان ويوميات جديدة مع ( يـــــــــــومـــــيــــــــــــــات صـــــــــــــــــــــائــــــــــــــم )

استمتعنا بالحوار معكى ابنتى الفاضلة فطوم
وكل عام وانتى بخير

[ابراهيم عبدالله]

	المشاركة الأصلية كتبت بواسطة كريم القوصي

	السلام عليكم ورحمة الله وبركاته هل الهلال ، والنور اهو بان ، بقدومك يا شهر رمضان أصحي يا نايم ، وأفرح يا صايم ، راح نلتقي بعد الفطار أحلي لقاء – يشمل حوار بس نجاوب علي السؤال من كريم وللحبايب في ملتقي اهل العلم يسمعه الحاضر والغايب وبالاسلام هنلم الشمل مع اللقاءات والحصريات هنا دايما ويانا في ملتقي اهل العلم اليوم أيضا مش عادي لان عادي انسان مش عادي جاء من قلب الوطن العربي ومن شقه الاسيوي اتي الينا مفعما بالامل والتحدي والعمل يعطنا كل ما هو جديد ويأتي دائما بالمزيد والمزيد ويلخص لنا المفيد وهذا هو الفريد ، هلال أتي من الشرق بريق لمعان ليس له مثيل محب وهو محب لمشايخ العرب ، تعالوا نرحب باخونا محب الشيخ علي جابر ونقول له كل عام وانتم بخير ورمضان كريم عليك . محب : كل عام وانتم بخير والامة الاسلامية وأعاد عليكم الايام بكل خير وسلام ورمضان كريم . كريم : في بداية حوارنا نرغب بمعرفتك عن قرب من خلال بياناتك الشخصية . محب : اسمي محمد الفارسي ، 20 سنة ، سلطنة عمان - صور . كريم : نبدأ بسوالنا المعتاد ما شعورك بقدوم رمضان ؟؟ محب : كحال أي طالب للجنة والأجر الوفير الذي يمنحنا إياه خالق السموات والأرض . كريم : ماذا أعددت لرمضان ؟؟ محب : كل ما فيه خير فهو من الأولويات لدي . كريم : أيه الفرق بين رمضان زمان ورمضان الآن ؟؟ محب : لا فرق بين شهر الخير والمغفرة والأجر واحد في هذه السنة والسنة التي سبقت ولكن يختلف مقدار الأجر الذي تحصل عليه هذه السنة من السنة الماضية . كريم : هل حدث معاك موقف طريف خلال شهر رمضان ؟؟ محب : هناك الكثير أخي ولكن لا يحضرني الآن إلا أني في أحدى السنوات شربت لي كباية ماء ناسيا هههههههه . كريم : أشهي المأكولات والحلويات التي تفضلها في رمضان ؟؟ محب : والله هناك كثير من الأكلات والحلويات ولكن أهمها الكراميل ههههههه . كريم : كلمنا عن يومياتك في رمضان ؟؟ محب : بعد صلاة الفجر أقرأ جزء من القرآن الكريم ثم أعود للمنزل وآخذ قسطا من الراحة وأقوم بأمور الحياة والمتطلبات اليومية إلى آذان الظهر وبعد الصلاة أقرأ جزء آخر وبعد ذلك آتى لهذا الصرح المبارك إلى أذان العصر وبعد الصلاة أقرأ أيضا جزءا آخر من القرآن وبعد إنتهائي أذهب للسوق للتسوق وشراء شئ من الحلويات والخفائف ومشاهدة العادات الرمضانية في السوق حتى يؤذن للمغرب وبعد الإفطار والصلاة أعود للمنزل وأستعد وأتطيب بأحسن الطيب لأداء صلاة العشاء والتراويح وبعد الصلاة أقابل بعض الأصدقاء وأجلس عندهم ونتبادل الحديث حتى الساعة 12 عندنا وبعد ذلك أنام حتى وقت السحور وصلاة الفجر . كريم : من الداعية الاسلامي المفضل لديك ؟؟ محب : نبيل العوضي وخالد الراشد . كريم : ما هي امنياتك للاخوة والاخوات في رمضان ؟؟ محب : الإكثار من الطاعات والإستغفار فهذا شهر الغفران "...رغم أنف من أرك رمضان ولم يغفر له..". كريم : من الصديق الذي تتمني ان يصطحبك علي مائدة في رمضان ؟؟ محب : لا يوجد شخص محدد فكما قلت لك هذا شهر الخيرات وأني أطمح لنيل أجر إفطار الصائم . كريم : ماذا تريد من رمضان ؟؟ محب : المغفرة والقبول . كريم : هل اديت العمرة من قبل في رمضان ؟؟ صف لنا هذه اللحظة ؟؟ محب : لا والله ولكن أسأل الله التيسير. كريم : وفي نهاية حوارنا الجميل ماذا تتمني للاسلام ؟؟ محب : العزة والعلو، حياكم الله أخي كريم وجزاك الله خيرا وأشكرك علي الاستضافة وعلي هذا الموضوع الجميل وكل عام وانتم بخير ورمضان كريم علي كل الملتقي . كريم : جزاك الله خيرا اخي الكريم محمد الفارسي علي تلبيتك لدعوتنا للحوار وكان حوار من القلب وهذا ليس بغريب عليك اخي الفاضل واستمتعنا معاك بالحوار الشيق والرائع والجميل ونتمني ان نراك علي خير وكل عام وانتم بخير ورمضان كريم عليك وعلي كل اسرتك . وفي النهاية خليكو فاكرين ، كلنا أخوة وحبايب ، والحاضر يعلم الغايب ، كل يوم في نفس المعياد ، معانا في اليوميات ، ضيف بعد الفطار ، نفتح معاه حوار ، ونقوله اتفضل معانا ، وحوارنا هيكون من القلب ، جميل ومليان حب ، وادعولنا وقولوا يا رب ، يعيد علينا الايام، بكل خير وسلامة . كل عام وانتم بخير والي لقاء مع ضيف جديد في يوم جديد في رمضان ويوميات جديدة مع ( يـــــــــــومـــــيــــــــــــــات صـــــــــــــــــــــائــــــــــــــم )

حوار رائع مع الابن الفاضل محب كل عام وانت
واهل السلطنة بخير وصحة وسلامة

[كريم القوصي]

السلام عليكم ورحمة الله وبركاته

هل الهلال ، والنور اهو بان ، بقدومك يا شهر رمضان

أصحي يا نايم ، وأفرح يا صايم ، راح نلتقي بعد الفطار

أحلي لقاء – يشمل حوار

بس نجاوب علي السؤال

من كريم وللحبايب

في ملتقي اهل العلم

يسمعه الحاضر والغايب

وبالاسلام هنلم الشمل

مع اللقاءات والحصريات هنا دايما ويانا في ملتقي اهل العلم

اليوم يوم جديد ومساء يوم جديد يطل علينا فيه ضيف جديد بامل جديد وحوار من القلب اكيد يتحدث الينا بكل شئ وبكل صراحة واليوم معانا ملكة الطبخ والمطبخ ضيفتنا بتعملنا احلي الاكلات حلويات ومشويات وكمان اكلات هتخلينا نقول هات وهات عندها المصطفي اجمل شئ وحياتها كلها فرح وللقرآن حبيبة ومن ربها قريبة وملك له كمان ، ويوسف نور عينها ونقول يا رب خليها لينا ولكل الجيران ويلا علي سفرتنا هنشوف مشرفتنا هتقول ايه كمان تعالوا نرحب بترحيب حار لام مصطفي ونقولها كل سنة وانتي طيبة ورمضان كريم عليكي وعلي كل اسرتك

ملك 3000: كل سنة وانت طيب اخي كريم وكل الملتقي بخير ورمضان كريم .

كريم : حمد لله علي سلامتك وعودتنا لينا بكل خير وسلام ويا رب متغيبي عن الملتقي تاني ان شاء الله واول حاجة في حديثنا بياناتك الشخصية .

ملك 3000: الاسم ام مصطفي ، 34 سنة ،اسكن في الجيزة ، متزوجة وزوجى هو العضو شريف2008 ، وعندى خمس اولاد ولدين :مصطفى ويوسف ، وثلاث بنات :فرح : حبيبة : ملك .

كريم : بسم الله ما شاء الله عليكي وعليهم وربنا يخليهم ويكرمك بيهم ، بداية احب اعرف شعورك بقدوم رمضان وهلاله علينا ؟؟

ملك 3000: طبعا بحس بفرحة غامرة بقدوم الشهر الكريم .


كريم : طيب حضرتي ايه لرمضان السنة دي ؟؟


ملك 3000 : جبت ياميش رمضان طبعا هههههههههه .


كريم : أيه الفرق بين رمضان زمان ورمضان دلوقت ؟؟


ملك 3000: طبعا رمضان زمان كان احلى شوية علشان كان بيجيلى فانوس رمضان كل سنة وكنت بلعب بيه .


كريم : المواقف الطريفة التي حدثت لك في رمضان ؟؟


ملك 3000: هو موقف جميل ان ربنا رزقنا بابنتنا فرح فى رابع يوم رمضان .

كريم : أشهي المأكولات والحلويات اللي تفضلها في رمضان ؟؟

ملك 3000: طبعا الحلويات الشرقية بأنواعها .

كريم : كلمينا عن يومياتك في رمضان ؟؟

ملك 3000: ماشي يا عم ،اصحى الساعة السابعة كل يوم واصلى واقراء القرآن شوية وبعدين اصحى ابو مصطفى لكى يذهب للشغل واقرا قرآن مرة اخرى لغاية الساعة العاشرة وبعد كدة ابتدى احضر للافطاروبعد الافطار نصلى العشاء والتراويح وبعدين ابتدى اقرآ القرآن لغاية السحور وبعدين انام وتصبح على خير .

كريم : من الداعية الاسلامي المفضل لديك ؟؟

ملك 3000: الداعية الاسلامى هو الشيخ محمد جبريل والشيخ محمد حسان .


كريم : ما هي اهم امنياتك للاخوة والاخوات في رمضان ؟؟


ملك 3000: امنياتى لااخواتى واخوانى فى رمضان بان يرفع من شانهم ويثبتهم على دينهم ويحفظهم من كل سوء .


كريم : من الصديقة التي تتمني ان تصطحبك علي مائدة في رمضان ؟؟


ملك 3000: الصديق المقرب لى هو صديقة قديمة من ايام الدراسة نفسى افطر يوم معاها زى زمان .


كريم : ماذا تريدي من رمضان هذا العام ؟؟


ملك 3000: المغفره والستر والرحمة من عند الله .


كريم : هل أديت العمرة من قبل في رمضان ؟؟ صفي لنا هذه اللحظة ؟؟


ملك3000: لا والله لسة محصلش انى زرت بيت ربنا .


كريم : وفي النهاية ماذا تتمني للاسلام في هذه الايام ؟؟


ملك 3000: اتمنى للاسلام ان يرفع من شانه وان يترابطو ويتحدو يدا واحدة . وفي النهاية اشكرك علي هذا الحديث الجميل واقولك اني استمتعت بالحوار الجميل ده والاسئلة اللطيفة ده ويا رب اكون قدرت اني اوفق في اجاباتي وكل سنة وانتم طيبين ورمضان كريم .

كريم : طبعا من كل قلبنا بشكرك اختنا الفاضلة ام مصطفي علي تلبية دعوتنا والاجابة عن اسئلتنا واحنا اكيد استمتعنا بالحوار الجميل الرائع اللي من القلب وكله حب ومودة ويسعدني اننا نستضيفك النهاردة معانا في حوارنا المتواضع ده وكل سنة وانتي طيبة ليكي ولكل اسرتك ورمضان كريم .

وفي النهاية خليكو فاكرين ، كلنا أخوة وحبايب ، والحاضر يعلم الغايب ، كل يوم في نفس المعياد ، معانا في اليوميات ، ضيف بعد الفطار ، نفتح معاه حوار ، ونقوله اتفضل معانا ، وحوارنا هيكون من القلب ، جميل ومليان حب ، وادعولنا وقولوا يا رب ، يعيد علينا الايام، بكل خير وسلامة .

كل عام وانتم بخير والي لقاء مع ضيف جديد في يوم جديد في رمضان ويوميات جديدة مع

( يـــــــــــومـــــيــــــــــــــات صـــــــــــــــــــــائــــــــــــــم )

[كريم القوصي]

السلام عليكم ورحمة الله وبركاته

هل الهلال ، والنور اهو بان ، بقدومك يا شهر رمضان

أصحي يا نايم ، وأفرح يا صايم ، راح نلتقي بعد الفطار

أحلي لقاء – يشمل حوار

بس نجاوب علي السؤال

من كريم وللحبايب

في ملتقي اهل العلم

يسمعه الحاضر والغايب

وبالاسلام هنلم الشمل

مع اللقاءات والحصريات هنا دايما ويانا في ملتقي اهل العلم

يطل علينا يوم جديد وإشراقة يوم جديد وكل يوم معانا ضيوف اعزاء وأفاضل يشاركونا الحوارات واللقاءات الجميلة الرائعة ويفتحون قلوبهم من أجل الاجابة عن أسلتنا ويعرفوا الاعضاء بيهم واليوم معانا ضيف وعضو نشيط في ملتقانا خصنا بالحصريات فقط والاشياء النادرة رحبوا معانا باخونا الاستاذ شريف حمدان ونقوله كل عام وانت بخير ورمضان كريم عليك وعلي أسرتك .

شريف حمدان : كل سنة وانتم طيبين ورمضان كريم عليكم وعلي الملتقي .

كريم : نشكرك علي حضورك معانا في اللقاء واولا عرفنا بنفسك وبياناتك الشخصية .

شريف حمدان : عبد الجواد شريف ، القوصية - أسيوط ، موظف حكومي .

كريم : اولي اسئلتنا لحضرتك ما شعورك بقدوم رمضان ؟؟

شريف حمدان : شعوري بقدوم رمضان شعور كل مسلم .

كريم : ماذا أعددت لرمضان ؟؟

شريف حمدان : أعددت لرمضان إعداد نفسي .

كريم : ما الفرق بين رمضان زمان ورمضان الآن ؟؟

شريف حمدان : لا فرق بين رمضان قديما وحديثا .

كريم : هل حدث لك اي موقف طريف خلال شهر رمضان ؟؟

شريف حمدان : لا يوجد اي مواقف اتذكرها الآن ولكن حدث كثير من المواقف .

كريم : المأكولات والحلويات التي تفضلها في رمضان ؟؟

شريف حمدان : أحب المأكولات الفول والجرجير والأكل البلدي .

كريم : كلمنا عن يومياتك في رمضان ؟؟

شريف حمدان : صلات الفجر وقراه 3اجزاء من القران والتوجه الي عملي وبعد الرجوع النوم وبعد ذلك صلاع العصر والمغرب والعشاء والقيام .

كريم : من هو الداعية الاسلامي المفضل لديك ؟؟

شريف حمدان : الداعية الاسلامي المفضل هو الشيخ الشعراوي رحمه الله .

كريم : ما هي امنياتك للاخوة والاخوات في رمضان ؟؟

شريف حمدان : الامنية الوحيدة هي تحرير المسجد الأقصي والستر والمحبة للاخوة .

كريم : من الصديق الذي تتمني ان يصحبك علي مائدة في رمضان ؟؟

شريف حمدان : أي عابر سبيل .

كريم : ماذا تريد من رمضان ؟؟

شريف حمدان : أن يغفر الله ذنوبنا .

كريم : هل أديت العمرة من قبل في رمضان ؟؟ صف لنا هذه اللحظة ؟؟

شريف حمدان : لا لم تكتب لي العمره لاني اعول اسره كبيره اولادي 9 وانا وزوجتي العدد11 وليس لدي سوي مرتب الحكم المحلي .

كريم : وفي نهاية حديثنا ماذا تتمني للاسلام في هذه الايام ؟؟

شريف حمدان: اتمني نصره الاسلام والمسلمين وكل عام وانتم بخير وكل الملتقي بخير وسلام واشكركم علي حسن الاستضافة ورمضان كريم .

كريم : شكرا لك اخي الكريم علي هذا الحوار واستمتعنا بالتحدث معاك وردك علي اسئلتنا ورمضان كريم عليك وعلي كل اسرتك وربنا يكرمك ويحقق لك كل ما تتمني من الله ان يجعله لك وكل عام وانتم بخير وكل اسرتك .

وفي النهاية خليكو فاكرين ، كلنا أخوة وحبايب ، والحاضر يعلم الغايب ، كل يوم في نفس المعياد ، معانا في اليوميات ، ضيف بعد الفطار ، نفتح معاه حوار ، ونقوله اتفضل معانا ، وحوارنا هيكون من القلب ، جميل ومليان حب ، وادعولنا وقولوا يا رب ، يعيد علينا الايام، بكل خير وسلامة .

كل عام وانتم بخير والي لقاء مع ضيف جديد في يوم جديد في رمضان ويوميات جديدة مع

( يـــــــــــومـــــيــــــــــــــات صـــــــــــــــــــــائــــــــــــــم )

[أم نيره]

	ربنا يبارك فيك اخى الفاضل شريف حمدان ويحفظ لك ذريتك من كل شر ويبارك فيك اخى كريم على مجهودك الراااااائع

[كريم القوصي]

السلام عليكم ورحمة الله وبركاته

هل الهلال ، والنور اهو بان ، بقدومك يا شهر رمضان

أصحي يا نايم ، وأفرح يا صايم ، راح نلتقي بعد الفطار

أحلي لقاء – يشمل حوار

بس نجاوب علي السؤال

من كريم وللحبايب

في ملتقي اهل العلم

يسمعه الحاضر والغايب

وبالاسلام هنلم الشمل

مع اللقاءات والحصريات هنا دايما ويانا في ملتقي اهل العلم

ضيف جديد ونهار سعيد وليل كله مودة ورحمة وتقوي لله ودعاء وصلاة وقيام ونتسحر ونصلي الفجر وبعدين ننام نصحي علي يوم جديد ونشوف معانا النهاردة عضو وضيف جديد هنتقضي وقت معاه كل يوم نستناه ويلا نرحب بيه ونقوله معانا هتنبسط واليوم معانا اخونا المشرف الهمام اللي عقله كلها برمجة وشبكات اشي ويندوز واشي دوس واشي برامج واشي حكايات من سوفت وير الي هارد وير هنقول حاجات وحاجات ولما بيبوظ الجهاز نعقد جنبه ونحتاس ونقوله يا عيني علينا ده احنا عايزين الاستاذ ومعانا النهاردة اخونا المشرف زمزم ونقوله كل سنة وانت طيب ورمضان كريم .

زمزم : كل سنة وانتم طيبين اخواني واخواتي ورمضان كريم عليكم .

كريم : مشرفنا الهمام يا ريت تعرض لنا الداتا بتعتك قدمنا ببياناتك الشخصية .

زمزم : اسمي محمد أحمد ، 25 سنة ، حاصل علي بكالوريوس تجارة وأعمل في صيانة الكمبيوتر والشبكات وأبحث هذه الفترة عن السفر للخارج ، انا من الزقازيق ، أعزب طبعا مش لما نشتغل الاول ندور علي الجواز .

كريم : طبعا يا مهندسنا الالي ما شعورك بقدوم رمضان ؟؟

زمزم : حجات كتير والله شهر خير ورحمه الواحد بيتمنى السنه كلها تكون رمضان .

كريم : ماذا أعددت لرمضان ؟؟

زمزم : البلح عشان بفرقه فى الجامع ههههه الواحد نفسه يخرج من رمضان بحسنات واعمال تنفعنا يوم لا ينفع مال ولا بنون .

كريم : ايه الفرق بين رمضان زمان ورمضان الان ؟؟

زمزم : زمان كانت الفوانيس بشمعة اما الايام دى حجات غريبه والله ههههه @ كان فى ناسى بنحبهم معانا دلوقتى بقوا مش معانا.

كريم : دلوقت فوانيس بالميموري كارد وبتحطلهم نغمات وتنور ليزر هههههههههه ، طيب في اي موقف طريف حصلك في رمضان ؟؟

زمزم : لا والله كلها تحر الدم بصراحة .

كريم : أهم المأكولات والحلويات التي تفضلها في رمضان ؟؟

زمزم : الرنجه ههههه ايه عادى يعنى @ اكتر حاجه بحبها المحشى عشان نفسى اتخن شوية.

كريم : طيب عايزين نعرف البرنامج بتاعك كل يوم في رمضان متبرمج ازاي ولو سمحت لو في نسخة ممكن ؟؟

زمزم : ماشى هعديها النهاردة بصحى من النوم قبل الظهر عشان بانام كل يوم بعد الفجر عشان اسجل الفجر والواحد يكون اكل رنجه براحته ههههههه يعنى باشتغل شويه صيانه لحد العصر وبعد كدة باكون فى الجامع لو فى حاجه باعملها مروحه مش شغاله سماعه كدة يعنى وبعد كدة باقرأ قرآن وبعدين باخرج اجيب البلح الرطب باكون مجهزة قبلها طبعا فى البيت طبعا فى تمر عادى فى الجامع بس الناس بتحب البلح الرطب ونصلى المغرب وارجع البيت افطر ومفيش 5 دقايق الاقى آذان العشاء مش عارف ازاى ؟؟؟؟؟ وباصلى القيام وبعدها باخرج اعدى قرايبى ( انا ماليش صحاب عادى يعنى ) .

كريم : طيب يا عم ربنا يبارك لك واعتبرنا اصحابك ، قولنا من الداعية الاسلامي المفضل ليك ؟؟

زمزم : كلهم بحبهم جدا الشيخ يعقوب والشيخ محمد حسان وابو اسحاق وحبيبى محمود المصرى لكن اكتر شيخ احب اسمع له الشيخ خالد الراشد وله شريط اسمه مفرق الجماعات الشريط دة جميل جدا هوا اللى غير حياتى .

كريم : ما هي أمنياتك للاخوة والاخوات في رمضان ؟؟

زمزم : ربنا يصلح حالهم جميعا ويوفقهم فى حياتهم واللى ما اشتغلش يشتغل واللى عاوز يسافر ربنا يصلح حاله ( قولو امين ) واللى مش متجوز يتجوز والناس اللى متجوزة تتجوز تانى عادى يا جماعه هههههه .

كريم : من الصديق اللي تتمني يصحبك علي سفرة في رمضان ؟؟

زمزم : والله باتمنى اعزمهم كلهم بس المشكله فى الشيخ ثروت لو جه مش هنلاقى نفطر
عندك مثلا حبيبى الحج ابو الخير ربنا ييسر له حاله والعمدة وحبيبى محمد نصر اما الشيخ ثروت هيكون آخر يوم ولوحدة هههههه .

كريم : ماذا تريد من رمضان ؟؟

زمزم : ان اعمالنا تكون فى ميزان حسناتنا يوم لا ينفع مال ولا بنون .

كريم : هل أديت عمرة من قبل في رمضان ؟؟ صف لنا هذه اللحظة ؟؟

زمزم : والله كان نفسى والاخ مسلم بنى عقيل اتحايل عليا بس ربنا ييسر ان عشنا للسنه اللى جايه ان شاء الله .

كريم : وفي نهاية الحوار الرائع ده ماذا تتمني للاسلام في هذه الايام ؟؟

زمزم : ربنا ينصر الاسلام والمسلمين فى كل مكان . وفى الختام عاوز اقول لكم كل سنه انتم طيبين انا عارف انى ارخم واحد رد عادى بقى خليها عليكم لكل الناس اللى موجودة فى المنتدى بادعى لهم ربنا يتقبل منا ومنهم صالح الاعمال والناس اللى كانوا معانا وتوفاهم الله ندعوا بالرحمه للحج اسماعيل حصان والاخت ساميه وجميع المسلمين فى النهايه انا بحب الدعاء دا جدا ( اللهم ارحمنا اذا دهس قبرنا ونسى اسمنا وانقطع ذكرنا فلم يذكرنا ذاكر ولم يزورنا زائر ولم يزورنا زائر . ولم يزورنا زائر. ولم يزورنا زائر . ولم يزورنا زائر. ولم يزورنا زائر . ولم يزورنا زائر) .

كريم : طبعا انا مش قادر اوصف سعادتي جدا بالحوار ده مه مهندسنا الهمام زمزم وربنا يكرمك ويحقق لك كل اللي تتمناه ونشكرك علي الحوار اللي من القلب للقلب منقدرش نوصف سعادتنا بيك النهاردة كفاية انك تشرفنا وتنورنا ونعمة الخلق العظيم وربنا يكرمك بعون الله كل سنة وانت طيب ورمضان كريم عليك وعلي كل اسرتك .

وفي النهاية خليكو فاكرين ، كلنا أخوة وحبايب ، والحاضر يعلم الغايب ، كل يوم في نفس المعياد ، معانا في اليوميات ، ضيف بعد الفطار ، نفتح معاه حوار ، ونقوله اتفضل معانا ، وحوارنا هيكون من القلب ، جميل ومليان حب ، وادعولنا وقولوا يا رب ، يعيد علينا الايام، بكل خير وسلامة .

كل عام وانتم بخير والي لقاء مع ضيف جديد في يوم جديد في رمضان ويوميات جديدة مع

( يـــــــــــومـــــيــــــــــــــات صـــــــــــــــــــــائــــــــــــــم )

[كريم القوصي]

السلام عليكم ورحمة الله وبركاته

هل الهلال ، والنور اهو بان ، بقدومك يا شهر رمضان

أصحي يا نايم ، وأفرح يا صايم ، راح نلتقي بعد الفطار

أحلي لقاء – يشمل حوار

بس نجاوب علي السؤال

من كريم وللحبايب

في ملتقي اهل العلم

يسمعه الحاضر والغايب

وبالاسلام هنلم الشمل

مع اللقاءات والحصريات هنا دايما ويانا في ملتقي اهل العلم

ونتواصل ونتحاور من جديد مع ضيف جديد في يوم جديد من أيام رمضان يكتب لنا يومياته ويفتح لنا قلبه ويعبر عما بداخله بكل صراحة ووضوح واليوم معانا من الضيوف الاعزاء ضيفا غالي علي قلوبنا دائما يمتعنا ذو همة لا مثيل لها حاد البصيرة صاحب افكار رائعة دائما وابدا يمتعنا ويبهرنا بالجديد والمفيد دائما صاحب أراء سديدة واقتراحات مفيدة وتؤخذ كلها في الاعتبار دائما صريح علي رفعة الملتقي وتقدمه فدعونا نتحاور معاه ويفتح لنا قلبه في هذا الحوار مع اخونا ومشرفنا القدير فتي التوحيد كل سنة وانت طيب ورمضان كريم .

فتي التوحيد : الله اكرم عليكم ورمضان كله خير وسلامة وربنا يعود عليكم الايام بخير .

كريم : شرفتنا ونورتنا اخونا الهمام فتي التوحيد ويا ريت تعرف الاعضاء بنفسك .

فتي التوحيد : اسمي ممدوح ، 22 سنة ، بكالوريوس تجارة عين شمس .

كريم : مع أول سؤال في حوارنا النهاردة نسألك ونقولك أيه شعورك بقدوم رمضان ؟؟

فتي التوحيد : فى قمة السعادة و الفرحة .

كريم : ماذا أعددت لرمضان السنة دي ؟؟

فتي التوحيد : الإستماع إلى دروس عن رمضان ... و القراءة فى فضل الشهر .

كريم : أيه الفرق بين رمضان زمان ورمضان الآن ؟؟

فتي التوحيد : رمضان الآن أفضل فالحمد لله كثيييير من الناس الآن يصلون التروايح مثلاً و إنتشار القنوات الدينيه .. و تفقه الناس فى الدين بصورة أكبر يعنى ،،،،،، فى العبادة >>> الآن أفضل بكتيييييييير ، فى عير العبادة >>> فى اللعب و ريحة رمضان و الطيبة اللى فى الناس .. زمااااان أفضل .

كريم : في أي مواقف طريفة ليك في رمضان ؟؟

فتي التوحيد : تقريباً مفيش غير إنى من كام سنه و قبل رمضان بيوم كنت بلعب كووره و طبعاً عشان أنا مهاجم خطير عرقلنى أحدهم و تم وضع دراعى فى الجبس حتى يوم 21 رمضان .

كريم : أهم المأكولات والحلويات التي تفضلها في رمضان ؟؟

فتي التوحيد : المأكولات : مكرونة بالبشاميل الحلويات : الأرز باللبن .

كريم : يومياتك خلال شهر رمضان عاملة ازاي ؟؟؟

فتي التوحيد : أصلى الفجر و أجلس حتى الشروق ( غالباً ) و من الظهر حتى المغرب ما فى شئ محدد لكن لازم أشاهد برنامج أصل الحكاية للشيخ يعقوب على الناس فهو يذاع يومياً الساعه 5:20 ثم أفطر سريعا و أذهب إلى الجيزة لـ صلاة العشاء و التروايح خلف الشيخ أحمد سعيد مندور .. صوته ما شاء الله بعد العودة من التراويح أدخل على النت و أقرأ الورد المخصص من القرآن و السحووووور حتى الفجر وهكذااا ،،،،،،

كريم : من الداعية الاسلامي المفضل لديك ؟؟

فتي التوحيد : الشيخ / محمد حسين يعقوب .

كريم : ما أهم امنياتك للاخوة والاخوات في رمضان السنة دي ؟؟

فتي التوحيد : أن يبلغهم الله ليلة القدر و لا يحرمهم ثوابها و أجرها .

كريم : مين الصديق الذي تتمني ان تقعد عاه علي سفرة واحدة في رمضان ؟؟

فتي التوحيد : جميع إخوانى فى هذا الملتقى الطيب .

كريم : ماذا تريد من رمضان ؟؟

فتي التوحيد : العتق من النار .. و الفوز بليلة القدر .

كريم : هل أديت العمرة من قبل في رمضان ؟؟ صف لنا هذه اللحظة ؟؟

فتي التوحيد : لا للأسف .. ربنا يكتبها لنا و للإخوة و الأخوات .

كريم : وفي نهاية حوارنا الشيق ده ماذا تتمني للاسلام في هذه الايام ؟؟

فتي التوحيد : إنه ينتشر في العالم كله و يسووود . وأو ان اشكركم علي حسن الاستضافة الجميلة ده والحوارات الرائعة واتمني الخير لكل المسلمين في شهر رمضان وان يبلغنا العشر الاواخر من رمضان وكل سنة وانتم طيبين ورمضان كريم .

كريم : شكرا لاخونا المشرف الهمام فتي التوحيد علي حواره الرائع ده وسعة صدره لنا ولاسلئتنا ونشكره ايضا علي اجابته الجميلة ونقوله كل سنة وانت طيب ولكل أسرتك ويعود عليك الايام بكل خير وسلام وعلي كل المسلمين أجمعين ورمضان كريم .

وفي النهاية خليكو فاكرين ، كلنا أخوة وحبايب ، والحاضر يعلم الغايب ، كل يوم في نفس المعياد ، معانا في اليوميات ، ضيف بعد الفطار ، نفتح معاه حوار ، ونقوله اتفضل معانا ، وحوارنا هيكون من القلب ، جميل ومليان حب ، وادعولنا وقولوا يا رب ، يعيد علينا الايام، بكل خير وسلامة .

كل عام وانتم بخير والي لقاء مع ضيف جديد في يوم جديد في رمضان ويوميات جديدة مع

( يـــــــــــومـــــيــــــــــــــات صـــــــــــــــــــــائــــــــــــــم )