ملتقى أهل العلم - مطلوب رجالة لعمل الخير رساله في عنقي

اقتباس:

خليني يابيه أحكيلك الحكاية من البداية

حكاية كانت بدايتها رسالة ... رسالة استغاثة من عضو معانا في كريزي

ايوون...هو يا بيه ده اس البلاوي..واسمه منتدى كريزي كريزي

الرسالة دي كانت رسالة جميلة بيلفت نظرنا بيها

لــ دار الايتام المعاقين الى اسمها حبات القلوب

دي دار فيها أطفال يتامى معاقين....يعني محتاجين ومحتاجين

عطف وصبر وحنية....مال وعلاج وأدوية

ده غيــر الأهل اللي ناسية ومنسية

ناسية ان البلد فيها شباب مستخبية

ومنسية من الحكومة اللي مشاغلها قوية

يــــاااه..ده انا قاسية اوي عالحكومة

معلش..ماهو في الآخر انا هشكر الحكومة

على فكرة.....دي امنية http://www.egycrazy.com/vb/images/smilies/156_3.gif

المهم...راحوا مشرفين منتدى الخير في (منتدى كريزي كريزي)

راحوا للدار عشان يعرفوا هل فعلا محتاجة ولا هو كلام وخلاص

لقوا الكلام ناقص كتيــــر..وأقل بكتير ومفيش خلاص

قابلوا سكرتيرة الدار أ- هالة حسن..انسانة خلوقة جداا

وفيها من الخير كتير..قالت ليهم على اللي محتاجينه

ورفضت تاخد حاجة بتتوفر ليهم من مأمور القسم اللي جنبيهم

ماهو انا نسيت اقولكم ان شباب الخير المستخبيين

طلعوا في كل حتة موجودين..وفي كريزي مش نادرين

راحوا مشرفين الخير دول منزلين موضوع في المنتدى عن الدار وإحتياجتهم

وكانت دي إحتياجتهم

http://www.egycrazy.com/vb/showthread.php?t=34660

http://www.egycrazy.com/vb/images/smilies/sheikh.gifhttp://www.egycrazy.com/vb/images/smilies/308_3.gif http://www.egycrazy.com/vb/images/smilies/308_3.gif http://www.egycrazy.com/vb/images/smilies/308_3.gif http://www.egycrazy.com/vb/images/smilies/308_3.gif http://www.egycrazy.com/vb/images/smilies/308_3.gif
*************** ***********

فجـأة يا بيه..لقيت الشباب اللي بتدورا عليهم ظهروا..شباب كتير

انا ماستغربتش كتير..بس فرحت وبكيت من الفرحة كتير

وفي خلال 3 اسابيع.... كانت الحاجة دي اتوفرت

http://www.egycrazy.com/vb/images/smilies/326.gif http://www.egycrazy.com/vb/images/smilies/326.gif http://www.egycrazy.com/vb/images/smilies/326.gif http://www.egycrazy.com/vb/images/smilies/326.gif http://www.egycrazy.com/vb/images/smilies/326.gif

*************** *************** ******
تخيل يا بيه...!!!

شباب لسة بيدرس في الجامعة

وشباب بيكون نفسه عشان بعد 10 سنين يتجوز جوازة يادوب تمام

وشباب فاتح بيته وبيت اهله..وبيحرق نفسه شغل صبح وبليل عشان يصرف عليهم

تخيل يابيه....تتخيلي يا حكومة..؟؟؟

الشباب دول اصروا انهم يكفوا حاجة الايتام المعاقين

لا واللي يغيظك يا بيه........انهم طلبوا عدم ذكر اسمهم

يا نهار احمر...!!!!!!

يعني بيعملوها لوجه الله..؟؟؟

ربنا يجازيهم كل الخير في الدنيا والآخرة http://www.egycrazy.com/vb/images/smilies/159_2.gif

اكمل يا بيه..

جه اليوم اللي كلنا بنستناه ورحنا للدار..

واهم الأعضاء يكدبوني لو قلت غير اللي شافته عيوني

.. الدار آيلة للسقوط ..

بس حاطه ايدها في وسطها وسانده على الامل وبتقولنا هاه..اقع بقى ولا تتصرفوا..!!

- عشان يصلحوا حاجة باظت في الدار لازم يلفوا السبع لفات

وفي الآخر بردوا التعـلب بيكون فات ومسى عليهم كمان..

موقع الارض اللي عليها الدار سئ جداا ومزعج جداا جدااا

تحت الكوبرى تقريبا وقدام موقف اوتوبيسات ووراها مترو الانفاق

وقالت الحكومة ان لازم تتهدم الدار

دى دخلت كردون المدينة ووقفت الدار لا بتعلى ولا بتتشال

عربية الدار اللي بتنقل الحاجات ليهم عاملة حادثة ومركونة لانهم مش قادرين على تصلحها

الدار عملت فرن جواها لخبز العيش عشان بيتغلبوا في احضار العيش للدار كل يوم...

ناس ماتعرفش المستحيل ولا بتوقفها صعوبات

اوراق الدار اللي الحكومة مسؤولة عنها..

مربوطة على سلحفاة تايهة لا هيا رايحة ولا هيا جاية

لاقيناهم محتاجين بوتوجاز كبير ينفع للحلل الكبيرة للطبخ لكل الايتام

راح يا بيه مدير المنتدى واسمه مؤمن

وسجل عندك اسمه يا بيه

راح جامعنا كلنا وقالنا لو معانا اي فلوس نقدر نساعد بيها الناس دى ونجيب البوتوجاز

الى يحب يحط الى يقدر عليه على السرير قدام مديرة الدار دلوقتى ..

وفي ثواني اتجمعت فلوس للبوتاجاز على سرير الدار قدامنا كلنا

وكان ناقصها بس 500 جنيه

ولما عرف فاعل خير بموضوع البوتاجاز

اصر انه يجيبه من ماله الخاص .. ومايخدش حاجة من فلوس الدار ..

وجابه ووصله للدار .. وخلينا الفلوس اللي اتلمت نجيب بيها ادوية للدار
وكمان الراجل المحترم اللي اشترينا منه المراتب http://www.egycrazy.com/vb/images/smilies/000200BF.gif

لما عرف بالموضوع .. غار مننا جدااا .. وقال لازم يساهم في الخير ده

وغلف المراتب من جوه بحرير طبيعي وعليها الجلد...

لا اله الا الله...لا اله الا الله

مقالش دول معاقين ولا هيفهموا ايه هو الحرير الطبيعي

يارب اكرمه من وسع يااااارب

وقبل مانمشي .. زي ماتقول كده يابيه.. ربنا حب يمشينا واحنا جوانا فرحة زغنطوطة

عرفنا من أ- هالة ان في مقاول عرض انه يتحمل كل تكاليف البناء

بس احنا نجيب الارض

وان كمان في واحدة من الكويت عرضت نفس العرض

بس احنا نجيب الارض

انتي فين ياست ارض ..؟؟؟

ياااااااه...ياا اااااه...الدنيا لسة بخير

انا عارفة ياحكومة انك مش مقصرة

ومن ناحية الاراضي فهي عندك متوفرة

انا بس كل اللي بعمله .. اني بخبط على كتفك .. وبقولك

( الدار اهي .. في الحتة الفلانية )

العنوان

دار حبات القلوب لذوي الاحتياجات الخاصة

تليفون

24986268
24986281

والفاكس

24911430
ش عين شمس - امام باص 41 - مساكن عثمان

وكان الدار بتقول تعالي يا حكومة شوفينى بنفسك

ويا ستي المواصلات خليها علينا

هيا جات على دي .. يا سيتي ده من عنينا

تقريبا ياحكومة انتي نسيتي تشربي من نيلها

حد يجيبلها كوباية..وفي ثواني الارض هتتوفر http://www.egycrazy.com/vb/images/smilies/243_3.gif

عايزيـــن ارض للدار ياحكومة
عايزيـــن ارض للدار ياحكومة
عايزيـــن ارض للدار ياحكومة

هقولكم حاجة قبل ماامشي ..دي مش فضفضة لنفسي http://www.egycrazy.com/vb/images/smilies/411_3.gif

ده نــداء ورجاء وامنيه http://www.egycrazy.com/vb/images/smilies/28_4.gif

وعلى رأي صلاح جاهين

"الدرس انتهى..لموا الكراريس"

وتم حفظ التحقيق لحفظ ماء الوجه ومش هنسكت لحد مانجيب الارض للدار http://www.egycrazy.com/vb/images/smilies/22_3.gif http://www.egycrazy.com/vb/images/smilies/22_3.gif http://www.egycrazy.com/vb/images/smilies/22_3.gif

منقول من احاسيسي الجوانية

اختكم في الله
الشهيرة بــ بوكي ... bokee
http://www.egycrazy.com/vb/images/smilies/000200BF.gif

احبائي في الله هذا الموضوع منقول لكي نشعر باخواننا المعاقين
اتمني ان تكون وصلتكم الرساله