|
|
بانتظار اخونا الفاضل ابونيرة هذا الرجل الطيب نحسبه على خير ولانزكي على الله احد واسأل الله له التوفيق والسداد والشكر موصول لأختنا الفاضلة المخضرمة مزنة على هذه الحوارات الطيبة الممتعة التي كانت سببا ً في معرفة اخواننا عن قرب فلاحرمك الله الاجر والثواب وسددك الله دائما ً للصواب وبارك فيك العزيز الوهاب اللهم امين |
ايوووووووووووووووون نحن هنا المخابراااااااااااااات السرية وصلت تحت النظر وسهرانين للصبح ومنتظرين الاخوة المخبرين يجيبوا اخونا ممدوح سنعود بعد قليل |
جزاك الله خيرا ً اختنا الكريمة مزنة على حسن اختيارك للمشرف الطيب الخلوق الغالي على قلبي ممدوح حفظه الله يعلم الله ان احببت هذا الاخ من قبل ان اراه ونسأل الله ان ييسر الله لي رؤيته هو وجميع اخوانه الافاضل من الاعضاء والمشرفين بالتوفيق اخي الغالي محبكم في الله ابوالوليد اقلكم علما ً وجهدا ً |
السلام عليكم ورحمه الله وبركاته سؤاااااااااااااااال الأوووووووول من هو ابو نيرة ومن أين المناطق وماهو عملك أحمد فتحى محمد منطقه الأزهر ميدان الحسين (يعنى أصل مصر القاهرة الفاطميه) العمل مدير وشريك مجموعه ولى النعم للخدمات السياحيه وكنت بأعمل سابقا محاسب ببنك مصر لمده 10سنين وقدمت أستقالتى لأنى كان على ضغط شعل جامد جدا سؤااااااااااااال حدثنا عن مدينتك هى مدينه القاهر بلد الألف مأذنه اللى فيها حاجات كتير جدا على أن أكتبها سؤااااااااااااال كلمنا عن أم نيره ببعض الكلمات " ممنوع التغشيش ام نيره ههههههههه للأسف مش فاهم قصدك أيه ؟ ههههه وأم نيرة فى سابع نومه سؤااااااااال ايه هيا أوووول هدية قدمتها لأم نيره ؟ والله ما فاكر يعنى من حوالى 18 سنه:zzsoft::zzsoft: أنما أخر هديه كانت تليفون (موبايل ) يوم 12/20 سؤااااااااااال كيف تم زواااااااااااجك من أم نيره ، هل زواااااااااج تقليدي أو قابلتها على حصااااااااااان أبيض هههههههههههههههه كانت أم نيرة زميله دراسه وصديقه لأختى وكانت تحضر لأخذ الدرس فى البيت عندنا فشافها والدى ووالدتى وسألونى عن رأى فيها قلت طبعا كويسه طيب نخطبها لك قلت وماله بس الصراحه أنا كنت ناوى بس قولت بعد الدراسه علشان أهم حاجه فى الأنسان أنه يحدد الوقت المناسب لأى عمل يقوم بيه والحمدلله ربنا كرمها بى ههههههههههه سؤاااااااااااااااال الأب صاااااااااحب البنات دائما حنين ، ابوووو نيره يشوف نفسه كيف ؟ الحمدلله أحن من الحنيه على الحنيه وده دائما بيثير غضب أم نيرة عليا سؤاااااااااااااال ماهو جدوووووووووول أبو نيره اليومي أستيقظ مع أذان الظهر أجرى على الجامع ثم أذهب الى عملى ولو أم نيرة راضيه عليا وده نادرا أرجع البيت أفطر ثم أتوجه للحى السادس فى مدينه 6 أكتوبر بجوار البيت حيث لنا 3محلات هناك أشوف فى السريع طلباتهم وأيه اللى ناقص ثم أطير على الحسين حيث الحق صلاة العصر فى الأزهر أو فى الطريق أى جامع لا ألتزم بجامع معين المهم الجماعه وبعد ما أوصل المحل الرئيسى أجلس حتى بعد منتصف الليل ويتخلل ذلك أى مشاوير أو قضاء مناسبات معينه وفى الأخر أرجع البيت فى مدينه 6أكتوبر من الأخر أنا بأحس أنى عايش لما بأنزل الحسين والبيت ماهو الا مكان للنوم فقط وبأجلس حتى أذان الفجر أصلى ونمت خلاص وأحتمال أكون بأحلم كمان سؤاااااااااال من سجل بالملتقى أول الأب أم الأم وكيف ذلك ؟ طبعا أم نيرة ما هى فاضيه زى ما أنتم عارفين ههههه سؤااااااااااااال ماهي أجمل الأكلات اللي تحب ام نيره تعملها لك ؟ أى حاجه تعملها أم نيرة تبقى زى الفل وأنا بطبعى مليش أشتراطات معينه المهم ألاقى أكل وألا وألا تقول لى قبل ما أوصل البيت وأجيب أى حاجه معايا وفى الغالب بجيب بزياده وتقول لى أنت هتأكل كل ده أقول علشان العيال تقولى ما أنا قلت لك كلهم أتعشوا ويا سلام لو لقيت حد منهم صاحى وجت اكلت معايا أقولها هم دول اللى تعشوايا مدام ؟ههههه سؤاااااااااال هل بناتك طباخات زي امهم ؟ لسه صغيريين كبيرهم يعملوا أندومى أو طبق جبنه قديمه بالطماطم والطحينه سؤاااااااااااال ماهي الأكلة المفضلة لأبو نيرة ، وهل يدخل للمطبخ ويطبخ ؟ لحمه الرأس لآن أم نيرة مبتعملهاش ألا نادرا ممكن أقعد بالشهرين لا أعرف شكل المطبخ أيه بعرف أطبخ ولكن فين الوقت أشترى جاهز وأريح دماغى سؤاااااااااااااال ماهي هواايااااااتك سماع الدروس الدينيه وكنت بأحضر من حوالى 7سنين وخاصه الشيخ محمد حسين يعقوب والشيخ محمد حسان والشيخ محمود المصرى والشخ مسعد أنور والمقرب الى قلبى المحدث أبى أسحاق الحوينى وحضرت للشيخ أبو ذر القلمونى ووووووووووووو وقراءة بعض الكتب الأسلاميه سؤااااااااااااال مواضيع ام نيره من اجمل المواضيع اللي استفيد منها ، هل تأخذ راي ابو نيره بها قبل ان تضعها ؟ زى زيكم أنا بأقول رأى بعد مينكتب وأقرأه سؤااااااااااااال ابو نيره ، اي الأقسام تشدك بالملتقى ( لا تقول ملتقى الأسرة هههههههه) ، ولماذا انت مقل بمشاركاتك؟ مقل بمشاركاتى لأنى وقتى ضيق وفيه منتدى أخر بأدخله فيادوب على قد وقتى أنما لو كل المواضيع زى الموضوع ده أنا مستعد أدخل كل يوم سؤااااااااااال من هو قدوتك بالحياة ؟ أبى وأمى ( اللهم أرحمهما كما ربيانى صغيرا ) سؤاااااااااااال مالذي تتمناه لبناتك لمستقبلهم ؟ أن يكون أحسن حال منى وأن يعتمدوا على أنفسهم وأن يكونوا عندهم جرأه لا يهابون من أحد أى كان سؤاااااااااااال ماهي آخر رسالة جواااااال استلمتها وماهو مضمونها ؟ كانت أمس من مدير المحل عندى لأنى كنت راجع من عند طبيب الأسنان ومش عايز أى حد يكلمنى من شده الألم ومضمون الرساله كان أسأل الله أن ييسر أمرك ويفرج همك ويكشف غمك ويرزقك من حيث لا تعلم وتحتسب (طبعا هو مش عارف موضوع الأسنان ) سؤاااااااااااااال هل لك علاقة بأحد المشرفين أو الأعضاء ، من هم ؟ أم نيرة:mf_laughbounce: سؤااااااااااااال من من المقرئين تستمع له محمد صديق المنشاوى وأحمد بن على العجمى والجديد بالنسبه لى ماهر المعيقلى لقد سمعته فى المدينه من حوالى4سنوات سؤاااااااااااال ماهي الأشياء التي تعملها بالشتاء ؟ يعني لكم نهج معين اوطريقة معينة محببة لكم في الشتاء ؟ بيات شتوى لا والله لأن الشتاء فى أكتوبر قارص سؤاااااااااال اذا رأيت خطأ من شخص ما في طريقك بالشارع مثلا ؟ تنصحه او تقول انا مالي وماله ما دمت انا اعمل الصح ؟ حسب نوع الخطأ لأنى مش معقوله فى وسط الزحام اللى عندنا هأعمل مصلح أجتماعى يعنى لو عربيه عايزه زقه ماشى عاوز وصله بطاريه ماشى أنما واحد بيضرب واحد هاعملهم أيه هأقف علشان أنضرب معاهم طبعا لأهههههههه سؤااااااااااال هل انت رجل ملتحي ؟ وهل تلبس الجلابيات الرجالية ام الافرنجية ؟ ملتحى والحمدلله ولكنها مهذبه وألبس قميص وبنطلون الجلاليب فى البيت فقط سؤاااااااااال ايه تخطيطك لبناتك ، هل تحاول ان تجعلهم دعاة لدين الله ؟ والله كل واحده لها أن تدعوا كيفما تشاء حتى لو دعوت فى بيتها وعلى جيرانها وعلى صديقاتها سؤاااااااااااال هل زرت السعودية ، واذا زرتها أي المناطق زرت وما رأيك بها ؟ الباسبور بتاعى مفيش فيه أى تأشيرة ألا السعوديه زرت طبعا مدينه الرسول صلى الله عليه وسلم ومكه المكرمه حفظها الله وجده حيث لى بها أقارب كثير (عمه أمى متزوجه هناك من حوالى 50سنه) طبعا وابنائها وبناتها كل له بيت وكل يريد عزومتى لما أنزل المملكه وأنابأخصص يوم نتقابل فى بيت والدهم بحى الأمير فواز طريق جده مكه السريع المدينه المنورة فوق الخيال يا جماعه حتى الشوارع الأسفلت هناك طيبه وحنينه أى مدينه غير كده سمعت عنها من أقاربى وخاصه الرياض والدمام سؤاااااااااال ايه الأكله السعودية الي تتمنى ان تتذوقها ؟ مش مهم الأكله المهم من أيد مين لأن كل حاجه موجوده فى مصر الأن يعنى أنا لما بأشتاق للمدينه أكل زبادى بالدقه وشاى بالحبق وأو النعناع المدنى ويسلام على المضبى أما مكه ففيها المندى وفروج الطازج نظرا لضيق الوقت فى مكه وكثرة العبادات اما جده ففيها الحوت (سمك) مع علمى أن عزومه السمك فهى للحبيب الغالى نظرا لغلوها عندكم سؤاااااااااال أطرف موقف وموقف أثر بك ؟ اليوم السيارة تعطلت بى على الطريق الدائرى ونزلت وفتحت الكبوت وطبعا أنا مش عارف حاجه بس الطبيعى أنى أعمل كده وبعد 15 دقيقه أتصلت بأخى وقلت له أن يحضر السيارة النصف نقل ليسحبنى وبعدها ب10دقائق أتصلت بيه تانى وقلت له أحضر معاك جركن بنزين للأحتياط يا سبحان الله شيخ بعدها ب15 دقيقه تانى أتصلت بيه أنت فين قالى أنا على الدائرى قلت له طيب المهم جه أخويا وأخذت جركن البنزين الأول وأفرغته فى السياره ودورت العربيه دارت بسرعه طبعا هو كان عايز يأكلنى لأن الطبيعى لو هى ناقصه بنزين كان ممكن أروح أنا أجيبه وأريحه من المشوار وأنا أخذت العربيه ومشيت وقلتله أمشى ورا يا تتعطل تانى طبعا فضل ماشى ورايا وأنا مكسوف من نفسى أزاى بقالى25سنه بأسوق عربيات ومعرفش العيب ده هى دى أخرة العربيات ( عربيتى أوبل أسترا 2000 ) سؤاااااااااال قبل ما تجلس على الكرسي لتجااااااوب عن هذا التحقيق كنت تعمل ايه ؟ : كنت بأتعشى مكرونه وفراخ وملوخيه سؤااااااااااال ايه السؤااااال اللي ماسألناه وعايز تقولنا عليه ؟ لو عايز عروسه جديده عندنا كنت هأقول أم نيرة عندى بالدنيا كلها (حتى لغايه لما البنات تكبر شويه ) لكم كل الشكر أخوانى وأخواتى الفضليات على أستقبالى بينكم قرابه الساعه وأسف على الأطاله ولكنى تخيلت نفسى نائم على الشيزلونج عند طبيب نفسانى وأى سؤال يا جماعه براحتكم أنا تحت أمركم أن شاء الله فى أمان الله وحفظه أخوكم أبو نيرة الغاليه |
استمتعنا بحوارك الشيق الصادق الاخ الفاضل المهذب ابو نيرة ربنا يبارك فيك وفى اهل بيتك ويعطيك طول العمر وتشيل عيال عيالك شكرا جزيلا |
الله الله الله ده حوار مية مية بصراحة اسمتعتنا اوي وطبعا ام نيرة جنبك بتنسق معاك الاجابات بصراحة عائلة نعتز بوجودها معانا هنا وربنا يكرمكم ويوفقكم في حياتكم ونتمني نشوف بناتكم لما يكبروا شوية في الملتقي |
ماشاء الله حوار طيب وممتع لأخونا الغالي ابونيرة اسأل الله ان يحفظك انت واهلك واولادك جميعا ً وان يبارك فيك وفي حرصك وفقك الله لكل خير محبكم في الله ابوالوليد |
اقتباس:
الله الله الله أستاذى الفاضل أبو نيرة حوار ممتع ورااااااااااااااائع جدااااااااا :mf_laughbounce: من أجمل الحورات واللقاءات التى استمتعنا بها حقا ًً :st4: سعدنا بالتعرف عليكم عن قرب بسم الله ماشاء الله عائلة راااائعة نعتز ونفخر بوجودنا معكم ربنا يحفظكم يارب ربنا يبارك فيكم يارب وفى أختي ******ة أم نيرة ربنا ما يحرمكو من بعض أبدا ويقر أعينكم بأولادكم وتفرحوا بيهم إن شاء الله شكرا ً كثيــــــــــرا ً ليكى حبيتي مزنه على الموضوع الرائع دا وعلى مجهودك الرائع المبذول فيه :winner_third_h4h: وعلى كل اللقاءات والحورارت السابقة التى إستمتعنا بها أيضا ً :st4: وأعذرونى لعدم دخولى والمشاركة فى الموضوع الفترة السابقة لظروف النت عندى :shutup::shutup: |
السلام عليكم ورحمة الله بصراحة مش عارفة اقولكم ايه ؟ ويعجز لسانى عن شكركم وجزاكم الله خير على ردودكم الطيبة على مشاركة ابو نيره وربنا يرزق كل من لم يتزوج فى الملتقى الزوجة الصالحة وايضا الاخوات الزوج الصالح واسال الله ان يبارك فى الملتقى وفى كل اعضاؤه واشكرك يا مزنه على موضوعك الجميل الذى لم شملنا جميعا تحت مظلة ملتقانا الغالى جدا جدا والله يحفظكم جميعا |
For best browsing ever, use Firefox. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
الحقوق محفوظة لشبكة ملتقى أهل العلم الاسلامي
